sábado, 31 de outubro de 2020

O Padre Nuestro Pequeniño na tradición oral

Unha oración tradicional do Padre Nuestro Pequeniño que non era moi aceptada pola Igrexa Católica:

 

Padre nuestro pequeniño

lévame por bo camiño,

camiño de salvación

meus pecados muitos son,

confeiseme ó Padre Santo

que é el home de verdá,

Jesucristo é meu pai,

a Virgen miña mai,

San Vicente meu parente

que me puxo a mau na frente

pra que o Diablo non me tente

nin de noite nin de día.

Aih! Jesús, Ave María,

cantan galos, abren luces,

anxeliños toman cruces,

pra acabar a oración

alabado la pasión.

 

Recollido en Castrelo de Abaixo, concello do Riós.


Padre nuestro pequeniño,

por o ceo vai ruxindo,

cantan galos,

abren luces,

vamos ver aquelas cruces.


Recollido en Trez, concello de Laza.


Padre nuestro

eí ven o maestro santificado

co pau levantado

...

Fragmento recollido en Castrelo do Val.


Padre nuestro pequeniño

polos ceos vai ruxindo

coas chaves do paraíso,

quen llas deu, que llas daría,

miña crela confesión,

os pecados moitos son,

nunca foron confesados

non a cura nin a fraile

...

Fragmento recollido en Toro, concello de Laza.


E segue así:

...

Meus pecados moitos,

nonos podo confesar

nin cuaresma nin carnaval.

San Antonio estaba a porta

cunha capa moi devota.

Preguntándolle os meniños

si sabián oración.

Oración de Peregrino

cando Cristo era meniño,

puña o pe no seu altar

e a sangriña a pingar.

Tente Magdalena tente,

no la dejes de limpiar,

que estas son las cinco llagas

que Jesús ha de pasar,

por los vivos,

por los muertos,

por los cristianos salvar.


Fragmento recollido en Laza.

Ningún comentario: